Azerfon-Vodafone-un abunəçiləri mobil xidmətlərə görə ödənişi onlayn rejimdə həyata keçirə biləcəklər!
Artıq Azerfon-Vodafone-nun abunəçiləri ödənişləri plastik kartlarından istifadə edərək İnternet vasitəsi ilə mobil xidmətlərə görə hesablarını ödəmək imkanına malikdirlər.
Onlayn Ödəmə sistemini tədbiq etməklə Azerfon-Vodafone abunəçilərinə təqdim edilən xidmətlərdən asan və daha rahat şəkildə istifadə etmək imkanını yaratdı.
Yeni Onlayn Ödəmə Xidmətindən istifadə etməklə hesabı istənilən vaxt və yerləşmə yerindən asılı olmayaraq heç bir əlavə ödəniş etmədən rahat şəkildə ödəmək mümkündür.
Azerfon-Vodafone-nun hər bir abunəçisi “Visa/Visa Elektron” və “Mastercard/Maestro” kredit kartlarından istifadə etməklə Onlayn Ödəmə Xidmətindən yararlana bilər. Onlayn ödəniş etmək üçün sadəcə olaraq www.Azerfon-Vodafone.com saytına daxil olub, istədiyiniz elektron ticarət provayderini seçmək, mobil telefonun nömrəsini, ödənilən məbləği və kartın məlumatını daxil etmək kifayətdir.
Ödəmə aparıldıqdan bir neçə saniyə sonra ekranda uğurla aparılmış əməliyyat haqqında bildiriş görünür. Bu bildiriş çap oluna və ya elektron ünvana göndərilə bilər. Əlavə olaraq, abunəçi uğurlu ödəniş haqqında SMS vasitəsi ilə məlumatlandırılacaq.
